Besøkssenter
Fortunsdalen besøkssenter
Fortunsdalen besøkssenter i Luster opna sommaren 2026, og er besøkssenter for Jotunheimen og Breheimen nasjonalparkar. Senteret formidlar m.a. historia om villrein og fangstfolk, handels- og ferdavegar, og tindehistoria med fjellturismen som vaks fram rundt Hurrungane, som også vert kalla fjellsportens vogge. Senteret finn du i den gamle butikken i Fortun sentrum.
Utladalen nasjonalparksenter
Utladalen nasjonalparksenter fungerer som besøkssenter nasjonalpark for Jotunheimen nasjonalpark og Utladalen landskapsvernområde. I tillegg har senteret, gjennom Stiftinga Utladalen Naturhus, ansvar for alt skjøtselsarbeidet i Utladalen på oppdrag frå Statens Naturoppsyn. Nasjonalparksenteret er ope kvar einaste dag frå mai og ut oktober kvart år, og elles i skuleferiar og i samband med arrangement. Vi opnar dørane for skuleklassar/grupper heile året.
Norsk Fjellsenter
Norsk Fjellsenter er autorisert besøkssenter for Jotunheimen. Senteret ligg i nasjonalparklandsbyen Lom, som ligg omkransa av tre nasjonalparkar: Jotunheimen, Reinheimen og Breheimen. Her kan du få tips til turar i og utanfor nasjonalparkane.