NA

Hosted by

OCT

Thursday, October 16

5:00 PM - 9:30 PM

Event Location

49.123456, -123.123456

About event

to be add ..

Nordhordland UNESCO Biosfæreområde

No upcoming events found.

Nordhordland UNESCO Biosfæreområde

1 contributor | 30 places
3 upcoming events

Nordhordland er Noreg sitt første UNESCO biosfæreområde (2019). Målet er å auke kunnskapen om berekraftig utvikling. Det handlar om kva ressursar me har og korleis me brukar dei, for at dei skal vara lenge.

Sildevågen på Fedje

Vandreintervju frå 2022 ved UNESCO Chair Inger Måren (UiB) om kulturarv og kulturlandskap. Jostein Husa – «Sankaren på Fedje» – tek oss med på ei vandring i det opne kystlandskapet. Han er oppteken av å nytte det som finst i naturen, og her ute er havet eit stort spisskammers.

Ivar Aasen i Nordhordland

Gjennom det meste av 1843 og vinteren og våren 1844 reiste Ivar Aasen rundt i Nordhordland med ein draum om å skape eit nytt skriftspråk ut frå dei gamle dialektane. Les om korleis eit skriftspråk vart til, i Historiebanken.

Den trondhjemske postvegen

Inn vågar, over åsar, langs elvar og gjennom skard snor Den trondhjemske postvegen seg gjennom den ytre delen av Nordhordland biosfæreområde. I dag ein fredeleg sti til roleg vandring og trening – men ein gong ein revolusjon i det vestnorske samfunnet. Artikkel frå Historiebanken.

Gråstein-landet

Du skal ikkje bevege deg langt i Nordhordland biosfæreområde før du ser det: steingardane, vegmurane, la som lagar terrassar i det bratte landskapet, og dei grå husveggene som har stått mot synnavind og vatn gjennom hundreår. Artikkel frå Historiebanken.

Brakeveggane på Osterøy

Du finn det knapt andre stader i landet, men i Nordhordland – og først og fremst på Osterøy – ser du dei: brakeløene. Store løebygningar og små uteløer der ein, to eller tre veggar er brakekledde. Artikkel frå Historiebanken.

Laksegiljene ved Askildneset

Sitjenøtene og dei høge laksegiljene ved fjorden er ein fangstteknikk som har utvikla seg i fjordbygdene på Vestlandet. Laksefiskarane sat i ei lita hytte på toppen av gilja og stengde notposen når laksen var komen inn. Laksegiljene på Askildneset vart restaurerte i 2017 og er registrerte som kulturminne.

Navarsmeden på Fosse

Den velsigna navaren: framifrå handverk, eit symbol for distriktet, i mange tiår ein viktig eksportartikkel frå Nordhordland og ein uunnverleg reiskap. Ingen kan seie sikkert når den første navaren vart smidd her. Sjå handverksfilmen om navarsmeden på Fosse.

Treskofabrikken i Mjøsvågen

I Mjøsvågen på Osterøy står ein av dei to heilt intakte treskofabrikkane i Nordhordland biosfæreområde, med produksjon sidan 1920-talet. Handverksfilmen om treskoproduksjon er laga her.

Sellevåg Treskofabrikk

I Selvågen i Gulen står Sellevåg Treskofabrikk, grunnlagd i 1899 og freda av Riksantikvaren som døme på vestlandsk småindustri. Nordhordland biosfæreområde har to heilt intakte treskofabrikkar. Sjå handverksfilmen om treskoproduksjon.

Gulatinget

Les om Gulatinget – for drygt tusen år sidan ein av dei viktige institusjonane i det som var i ferd med å bli Noreg. Artikkel frå Historiebanken til Nordhordland Biosfære.

Skøssn Gard

Økologiske eple og plommer, og foredla produkt frå eple som råsaft, eplemost, sider og syltetøy. Garden sel òg garn av kasjmirull frå eigne geiter, livdyr, skinn og kjøt frå geit og kje. Kjøp direkte frå garden, hos lokale utsal som Lyngheisenteret eller via REKO-ringen.

Tveita Gardsmat

Bær, saft, syltetøy, burger, pølser og kjøtkaker. Produkta kan kjøpast i gardsbutikken på Tveita i Gulen eller på Bondens marked i Bergen.

Feddie Ocean Distillery

Destilleri på Fedje som lagar whisky, gin og akevitt, både blank og fatmogna, og fleire andre typar brennevin, mellom anna i samarbeid med andre norske produsentar. Produkta kan kjøpast på Vinmonopolet.

Tøsse Brygghus

Bryggeri ved Tøsse Mølle på Osterøy med øl som Tøsse Mølle Pils, Kvernkall Blond, Steinmalt IPA, Møllefossen Weissbier, Oster IPA og Triør Imperial Pilsner. Kjøp produkta i butikkar over heile Vestlandet, på Vinmonopolet, på barar og restaurantar på Osterøy og i Bergen, og i eige utsal på bryggeriet.

Molvik Gard

Fersk frukt og bær i sesong, saft, sirup og andre vidareforedla produkt frå garden, honning, biefadderskap og biesafari. Produkta kan kjøpast i nettbutikken, direkte frå garden og på messer og marknader gjennom året.

Øvre Dale Gård

På Øvre Dale Gård i Alver driv dei økologisk jordbruk med respekt for naturen og dei vestnorske mattradisjonane. Garden sel spekepølse, fenalår, økologisk pinnekjøt og ferskt lammekjøt i eigen nettbutikk, og produkta kan òg hentast på garden etter avtale.

Hella Sopperi

Hella Sopperi dyrkar blågrå østerssopp og sel dyrkeposar, så du kan dyrke fram din eigen sopp heime (på bestilling). Soppen kan kjøpast i gardsutsalet med sjølvbetening på Radøy.

Leiren laks

Røykt laks med rund og god smak frå røyking med ekte einer, røykt villaks i sesong, grava laks og regnbogeaure og røykt regnbogeaure. Produkta finn du i dei fleste Meny-, Coop-, Rema 1000-, Joker- og Spar-butikkane i Hordaland.

Osterøy Ysteri

Ekte brun geitost, spekepølse av geit, fenalår, morrpølse, saueskinn, garn og ull. I sesong også pinnekjøt, ferskt kjøt frå kje og lam og varer frå hagen og naturen rundt garden. Produkta kan kjøpast i gardsutsalet, og grupper kan etter avtale få omvising i ysteriet, fjøset og på stølen.

Slettevollen Gardsysteri

Gardsysteri i Masfjorden som lagar smørbar kremost, upasteurisert modna kremost rulla i oske, salatost av feta-type, steikeost, halloumi-type, surmjølk og jogurt. Produkta kan kjøpast ved å ta kontakt på Facebook eller telefon, på REKO-ringen i Åsane og i gardsbutikken til Løvaas gård i Bergen.

Vevestova på Kunsthuset i Austrheim

Veving er eit handverk med tusenårig tradisjon, mykje eldre enn strikking. Gjennom veving har ulla frå sauene våre blitt til klede i generasjonar. Anne Grete Breisnes har vevestove på Kunsthuset i Austrheim, vev bruks- og utsmykkingstekstilar og underviser i praktisk veving og veveteori. Sjå handverksfilmen om veving.

Oleana

Oleana produserer strikkeplagg i mjuk merinoull og silke. Bli med på ei vandring gjennom fabrikken og sjå folk og maskiner i arbeid, og besøk utstillingssenteret, fabrikkutsalet og kaféen. Fabrikken ligg i historiske lokale heilt nede ved fjorden i Ytre Arna.

Hillesvåg Ullvarefabrikk

Hillesvåg Ullvarefabrikk er ein Économusée der du kan følgje produksjonen frå ulla kjem inn til ferdig produkt. Fabrikken har produsert garn av norsk ull sidan 1898, og dei over 100 år gamle maskinene er framleis i drift. Butikken har eit stort utval av eige garn, oppskrifter, ull til filting og ferdigprodukt i norsk ull.

Norlender

Norlender produserer strikkevarer av 100 % ull. Grupper kan få visning gjennom fabrikken og produksjonen, med tilbakeblikk på utviklinga sidan starten i 1927, og få innblikk i produksjonsprosessen frå garn til ferdig produkt.

Dale of Norway

Med utgangspunkt i tradisjonelle norske mønster blir Dale of Norway sin kolleksjon i 100 % ull designa og strikka på Dale, utanfor Bergen. På Ullruta kan du lære om historia og sjå korleis dei ikoniske genserane blir laga. Velkommen til fabrikkmuseet og fabrikkutsalet på Dale.

Vestnorsk Utvandringssenter

Ull på prærien! Nybyggarstova viser korleis ein typisk emigrantfamilie budde i Amerika, kva utstyr dei hadde og kva tekstilar dei brukte. Ei gratis utandørs utstilling fortel historia om ull på prærien, og barna kan løyse ullrebus på cowboyløypa rundt husa i Prærielandsbyen.

Osterøy museum

Friluftsmuseum og utstillingar fortel om daglegliv og handverkstradisjonar på strilelandet. I Nordhordland er kunnskapen om bruk av oppstadveven framleis levande, og museet formidlar vev- og tekstiltradisjonar gjennom foredrag, kurs og arrangement.

Norsk Trikotasjemuseum

Besøk det industrielle kulturminnet Salhus Tricotagefabrik, der det vart produsert klede i ull og bomull i 130 år. Opplev fleire av maskinene på ei omvising i fabrikken. Museumsbutikken sel eigenproduserte varer, og i kaféen kan du kjøpe heimebakte kaker og vaflar.

Lyngheisenteret

På Lyngheisenteret kan du treffe den urnorske villsauen og vandre på tilrettelagde stiar i eit historisk lyngheilandskap, slik det har vore på kysten i 5000 år. Besøk utstillinga om ull og strikk, sjå film om kystlyngheiane og smak villsausuppe i restauranten. Museumsbutikken sel saueskinn, villsaugarn og strikkepakkar.

Gripen Gard

Gripen Gard er eit ekte gamaldags vestlandsbruk forma av sauen gjennom hundrevis av år. Sauene er gamalnorsk sau, og all ull vert sortert og utnytta. Eldhusloftet er innreidd til ull-loft med ei stor samling gamle tekstilar av ull og verktøy for ullarbeid. Gripen tilbyr overnatting og arrangerer kurs.

NA

Hosted by

OCT

Thursday, October 16

5:00 PM - 9:30 PM

Event Location

49.123456, -123.123456

About event

to be add ..

Nordhordland UNESCO Biosfæreområde

No upcoming events found.

Nordhordland UNESCO Biosfæreområde

1 contributor | 30 places
3 upcoming events

Not a user yet?

Get started